Mozoloandi eta Mendizar mendiak Iratiko basoaren eta Irabiako urtegiaren mendebaldean aurkitzen diren bi gailur dira. Mendizar gailurra belardi zabalez inguratua dago, non bere larreetan abere ugari dabilen larrean. Bere iparraldean Errozate tontorra dago, eta mendebaldean, berriz, Idopileko lautada handia hedatzen da. Mozoloaundi berriz Irati ohianeko pagadi zabal baten erdi erdian dago eta beraz gailurrera iristean, zuhaitzez inguratua dagoenez, bertatik ez dago begiraleku haundirik. Mendi hau bi errekaxtok inguratzen dute, non beraien urak Irabiako urtegira isurtzen diren. Urtegi hau 1921 eta 1922 urte artean eraiki zen, baina 1942 eta 1944 urte artean haunditu zen, haunditze lan hauetan berrogei metroko horma zahar bat eraiki zuten. Urtegi hau Europa mendebaldeko Iratiko baso edo ohian haundienetako baten erdi erdian dago kokatua. Gure ibilbidea Ibiaga gainetik hasi genuen eta Ezkanda mendiaren hego aurpegia jarraituz lehenbizi Ezkanda igo genuen, ondoren Mendizar eta azkenerako Mozoloaundi utzi genuen. Iratiko ohiana udazkeneko kolore biziz aurkitu genuenez, errekaxto eta zuhaitzei argazkiak ateratzeko aprobetxatu genuen. Mozoloaundi mendiko pagadietan onddo mota ugari ere ikusi genituen eta Mendizar eko larretan berriz hegazti harrapari eta sai arreen hegaldiei begira denbora pasa ederra bota genuen. Behekaldean dituzue ibilbideko xehetasun gehiago.
Ibilbide osoaren plano, mapa, detaile edo zehaztasun gehiago hemen sartuta
Astigarra zuhaitzak udazkenean hartzen duten kolore ori hori pagoenarekin nahastean benetako kontraste ederrak sortzen dira
ONDDOAK
Mendizarreko azken maldak igotzen
Mozoloandi Mendizarretik begiratuta
Udazkena gerturatzen ari den bezala Iratiko basoa koloz betetzen da
Irati pagadi zabalek osatzen duten ohian bat da
Gure ibilbidea Ibiaga gainetik hasi genuen, aurrean dagoen mendia Ezkanda da
Urritz zuhaitza ederrak ere ikusi genituen
Mozoloaundi gailur ondoan ere pagadia zen nagusi
No hay comentarios:
Publicar un comentario