Euskal Herria mendiz mendi: SOUMCUY (2315M) ZUBEROA-BEARNO (2018- urriak 5)

miércoles, 12 de diciembre de 2018

SOUMCUY (2315M) ZUBEROA-BEARNO (2018- urriak 5)

Aspaldi ezagutu dudan leku basati eta politenetakoa izango da ibilbide hau. Lehenbiziko zatia pagadi (Fagus sylvatica) eta Izei gorriz (Picea abies) osatutako basoetan zehar egiten da eta altura irabazi ahala pasaia malkartsu batekin egiten da topo eta Pinu beltzak (Pinus uncinata) hasten dira azaltzen.

Soumcuy mendira bidean inguruaz goxatzen

Goi aldean, Laberouat aterpetxetik aurrera, gizakiak ustiatu gabeko inguruak dira nagusi eta flora eta fauna aberatsa da bertan. Horren adibide dira bidean zehar ikusi genituen bitxikeri ugari. Paso de Azuns-era iristean berriz Leskun aldetik datorren bidexkarekin egiten da bat eta hemen pagoz eta Izeiez osatutako basoak utzi eta larreak eta abeltzantza jarduerak ugaritzen dira. Pare bat kilometro gora egitean Col de Anie ingurura iristen zera eta hemen Larrako pasaia tipikoa gailentzen da, harkaitz, karearri eta urak elkarrekin urteetan zehar mendi barrunbe hauetan eginiko zizelatze lanen paisaia sortuaz....

Hortik aurrera Contender eta Soumcuy mendiak kateatu genituen, argazkikoa Somcuy da

Soumcuy gailurretik grabatutako irudiak

Ibilbidearen zati bateko traka duzue HEMEN , ibilbidea berez Col de Bouesoutik hasi ginen, Laberouat aterpetxea baino lau bat kilometro lehenagotik, eta col de Anie aldera iristean;

Contender mendia

Contende mendi aldera jo genuen lehen bizi non bukaera aldera 50 metro inguru falta zirela, bertigoa tarteko, buelta hartu beharrean suertatu ginen. Orduan berriro Col de Anie ra jeitxi eta hemendik...

Contende gailur ondotik grabatutako irudiak

Soumcuy ra igotzea erabaki genuen eta berako bidea ere leku berdinetik egin genuen. Beraz goian duzuen traka ibilbidearen zati bat bakarrik izango litzateke, zeren guzira 26 bat kilometroko ibilbidea da egin genuena.

Soumcoy igotzen, harri bat erori zitzaida hanka gainera

Sarrioa (Rupicapra rupicapra)

Contende ko gailurrera iritxi aurreko azken horma

Erbi (Lepus europaeus) bat ere atera zitzaigun goiz aldera Belagoan, mendirako bidean kotxez gindoazelarik

HEGAZTIAK

Gerri txori arruntak ez bezala Basoetako gerri txori hauek, 1000 metrotik gorako pagadi zein izei basoetan bilatzen dute beraien bizia.

Basoetako gerritxoria (Certhia familiaris)

Contender mendiaren azken maldei aurre egiten

Mokoker (Loxia curvirostra) arra.
Hegazti hauen bizilekua, batez ere 800 metrotik goragoko koniferoetan du eta egin genuen ibilbide hau horretarako ezin hobea zen. 1500 metrotik gora ibili ginen denbora gehienean eta Izei gorri hasko zegoen ingurua zelako berau. Behekaldean dituzue adibide horietako batzuk.

Mokoker (Loxia curvirostra) arra

Mokoker (Loxia curvirostra) talde bat

Mokoker (Loxia curvirostra) arra

Paso de Azuns da hau, zati hau ibilbidearen erdi bidean egongo litzateke

Pas de Azuns eko kartelak

Harkaitz zozo gorri emea (Monticola saxatilis)

Mokoker (Loxia curvirostra) arra eta emea

Mokoker (Loxia curvirostra) arra

Mokoker (Loxia curvirostra) emea edo gaztea

Mokoker (Loxia curvirostra) bikote bat.

Larre eta Izei gorriz osatutako ingurune honetan ikusi genituen mokokerren talde haundienak

Laberouat aterpetxe inguruan grabatutako irudiak

Ibilbidearen beste zati bat, atzean Soumcoy mendia ikusten dela

Mendi txirta (Anthus spinoletta) asko ikusi genituen ibilbidean zehar. Hegazti honek udara eta neguaren artean lumajeak pixka bat aldatu egiten du. Neguan elur garaia iristean mendian, beheko araneta migratzen du bainan ez du migrazio luzerik egiten. Asko alaitzen ditu inguruko larreak.

Mendi txirta (Anthus spinoletta)

Laberouat aterpetxea

Isats gorriak (Phoenicurus ochruros) oso gustokoak ditu inguru karstiko hauek

Belatxinga mokohoria (Pyrrhocorax graculus)

Belatxinga mokogorria (Pyrrhocorax pyrrhocorax)

Borda hau Lescunetik datorren bidea eta Paso de Azuns-eko pasabidea elkartzen diren inguruan aurkitzen da. 1800 bat metrora

Mendi tuntuna (Prunella collaris), mendi karstikoetako mendizaleen ohiko laguna, bainan goi mendiak gogokoago ditu altura gutxiko mendiak baino.

Mendi tuntuna (Prunella collaris)

Lehen aipatu bezala Col de Anie ingurua oso leku karstikoa da eta bertan dauden leize eta zulo zaharrak bildurtzeko modukoak dira

Tuntun arruntak (Prunella modularis) nahiago ditu otadi eta ingurune itxiagoak, mendi tuntunak leku harritsu eta irekiago zalea da.

Buztanzuri arrunta (Oenanthe oenanthe). Hau ere goi menditako larre zabaletako ohiko hegaztia degu. Bainan negua Afrikan igarotzen du.

Buztanzuri arrunta (Oenanthe oenanthe)

Buztanzuri arrunta (Oenanthe oenanthe).

Contender etik jeisten Auñamendi mendia aurrez aurre ikusten da, inguruan dagoen mendi garaiena da berau

Sai arrea (Gyps fulvus)

Lehen aipatu bezala Countender mendiko azkeneko maldak bildurtzeko modukoak dira, goiko argazkian duzue beste adibideetako bat

Ugatza (Gypaetus barbatus) eraztunduta (2023)

Ugatza (Gypaetus barbatus)(2023)

Ugatza (Gypaetus barbatus)

Gaur egun, euskal herriko mendietan daukagun hegaztirik ikusgarrienetakoa izango da niretzat, kasu honetan bezala pirineotako goi mendietako hormak aukeratzen ditu bere bizi toki eta bertako negu gogorrei ere aurre egiteko gai da.