Belagua haranetik San Martin harria mendatera igo ginen (1.765 m)kotxez lehenbizi. Bertan kotxea utzi ondoren, galbiderik ez duen ibilbide bat jarraituaz Arlaz leporaino iritxiko gera. Arlaz ezkerretara utzi eta aurrez aurre Murlong gailurrarekin egingo dugu topo. Ibilbide guzia Zuberoa eta Nafarroa arteko muga jarraituz egingo dugu. Murlong gailurra San Martin harria eta Anie/Auñamendi mendi esanguratsuen artean, erdi erdian aurkitzen da. Murlong gailurretik bista panoramiko ikusgarriak ikusiko ditugu: Besteak beste Soumcouy, La Contendè, Anie/Auñamendi, Añelarra, Larra edo Arette eski-estazioa ditugu. Gure ibilbidea martxoan izan zen eta oraindik elur pixka bat geratzen zen.
Mokookerrak (Loxia curvirostra) hainbeste piñu hazi jan ondoren digestioa ondo egiteko kare harri artean bilatzen duen gantza jan behar izaten dute
Latras gailurretik grabatutako irudiak.
Belatxinga mokohoria (Pyrrhocorax graculus)
Belatxinga mokohoriek larrako leizezuloak baliatzen dituzte lotarako zein kumatzeko
San Martin gaineko leize zuloaren irudi bat.
San Martin harriari buruzko kondaira duzue hemen irakurgai
Zozo paparzuria (Turdus torquatus) ren presentzia ohikoa da garai hontan
Zozo paparzuria (Turdus torquatus)mendi pinu (Pinus uncinata) batean babestuta.
San Martin harrian dagoen aterpe irekia duzue hau
Elurra zegoelako, zuzenean egin gabeko ibilbidea da, ezker eskuin norabide garbirik gabe egindakoa da.
Belatz gorri (Falco tinnunculus) ugari ikusi genituen
Arlas gailurra ezkerrean utzi eta Murlong bidean
Erroia (Corvus corax) beti bezala zelatan dago
Mendi txirta (Anthus spinoletta) elur artean jan bila
Mokookerra (Loxia curvirostra) eta Mendi txirriskila (Serinus citrinella)kareharrizko pareta batera gantz bila etorrita.
No hay comentarios:
Publicar un comentario