BEDARTZANDI (700M) URREGARAI (704M) SANTA EUFEMI 2025 Uztaila 13 BIZKAIA

Markina Xemein eta Aulesti artean: harri eta artadi artean aurkitzen diren Badartzandi eta Urregarai (Santa Eufemi) mendiak dira egin genituena oraingo honetan. Uztailaren erdialdean, eguraldi epel eta laino pixka batekin, Lea-Artibaiko bihotzean kokatutako bi mendi berezi hauek igo genituen: Bedartzandi eta Urregarai, azken hau eskualdean Santa Eufemi izenez ezagutzen da. 

Ibilbidea Atxagarai bolatoki ondotik hasi genuen, eta zirkularra izan zen: lehenik Bedartzandi igoaz, gero Santa Eufemi, eta amaieran abiapuntura itzuliz.

Bedartzandi: Harri multzoen eta basoen artean

Ibilaldiaren lehen zatian Bedartzandi mendira igo ginen. 700 metro inguruko garaiera duen mendi honek, gailurrera igotzeko harri multzo ikusgarriak, baso trinkoak eta bide estuak ditu. Mendiaren egitura geologikoa kareharriz eta karstifikazioz osatua daude. 

Mendi hauetan kareharria da nagusi, eta horrek paisaiaren ezaugarri bereziak sortzen ditu. Kareharria urarekin erraz eraldatzen den harri sedimentarioa da, eta horren ondorioz, zonaldean karstifikazio-prozesuak nabarmenak dira: pitzadurak, leizeak, dolinak eta harri multzo bereziak agertzen dira. 

Mendi mota hauetan ura lur azpira sartzen da, eta horrek iturri eta leize ugari sortzen ditu. Landaredia ere berezia da: artadia bezalako zuhaitzak, lur pobre eta harritsuetan hazten direnak. Kantera ugari daude, kareharria eraikuntzarako eta industria erabilerarako ustiatzen delako. Inguruan ikusi genituen harrobi zahar eta aktiboek kareharrizko egitura agerian uzten dute, eta horrek mendiaren barrunbe naturalak eta giza jardueraren aztarnak uztartzen ditu.Gailurretan, eguraldi lainotsuak eta eguzki izpi solteek momentu magikoak utzi zizkiguten. Bertan atseden hartu, argazkiak atera eta inguruko isiltasunaz gozatu genuen.

 Santa Eufemi (Urregarai): eskualdeko gailur ezaguna.

Bedartzanditik jaitsita, Santa Eufemi mendira abiatu ginen. Mendi hau Urregarai izenez agertzen da kartografian, baina Santa Eufemiako ermitagatik eskualdean horrela ezagutzen da. 

Gailurrera iristeko eskailera luze eta ikusgarriak igaro behar dira, eta goian Andra Mari baseliza dago. Bertatik Lea-Artibaiko bailara eta Bizkaiko kostaldea ikusten dira, eta atseden hartzeko leku aproposa da. Behekaldean dituzue ibilbidean zehar ikusitako landare hegazti, basurde zein parajeei buruzko xehetasun gehiago.

Calluna vulgaris

Euskaraz erika edo txillarra izenez ezagutzen dena. Ingurune azidoetan ohikoa da. Erleek oso gustokoa dute, eta txillarraren eztia kalitate handikoa da. 

Lysimachia vulgaris 

Euskaraz lizamika arrunta edo lizamika horia bezala ezagutzen dena. Belardi hezeetan, ibaiertzetan eta larreetan hazten da.

Basoko barraskiloa (Cepaea nemoralis)

Konkaren forma espiralekoa da, eta kolore marroi argi eta iluneko bandak ditu. Mendialde, lorategi eta belardi hezeetan bizi ohi da. Kolore-aniztasuna: espezie hau oso aldakorra da konkaren kolorean, eta horrek ikerketa genetikoetan lagundu du. Espezie hau eredu gisa erabili izan da eboluzioaren ikerketetan, bere kolore-aldakortasun genetikoa dela eta. Naturak berak eskaintzen duen artea, ezta?

Bedartzanditikan itsaso aldera dauden ikuspegiak dira hauek

 Taraxacum officinale

Txikoria basatia  izenez ezagutzen da. Belardi, bazter eta lorategietan oso ohikoa da; lur mota askotan hazten da. Tradizioz digestiorako erabilia izan da, gibelerako eta gernu-eragile gisa. Lore honen bolatxo zuriak haizearekin hegan egiten dutenean, askotan desio bat esaten da haizean putz eginez. Haurtzaroko magia ukitu bat du.

Helianthemum nummularium

Eguzki-lorea edo kare-lore izenez ere ezagutzen da. Kare-harrian aberatsak diren lurretan hazten delako. Helianthemum generoko landareak eguzkiarekiko oso sentikorrak dira: loreak eguzkia dagoenean irekitzen dira eta iluntzean ixten. Horregatik, "eguzki-lore" deitzen zaio. Bedartzandi ingurunea (harritsua, lehorra eta landare baxuekin) oso tipikoa da espezie honentzat. 

Elorri beltza (Prunus spinosa) 

Elorri beltza ez da soilik fruituengatik ezaguna. Bere adarretan arantza zorrotzak izaten ditu, eta horregatik “spinosa” izena du. Antzinatik erabili izan da hesi naturalak egiteko, abereak kanpoan mantentzeko.

Sempervivum 

Hostoak: Haragitsuak eta roseta moduan antolatuak, eguzkia jasotzeko egokiak. Harri artean, aldapa malkartsuetan eta lur pobreetan hazten da..

Dianthus superbus

Larrosa basatia, bezala ezagutzen dena. Oso usaintsuak dira, batez ere arratsaldean eta iluntzean. Belardi hezeetan eta larreetan hazten da. Lorearen egitura eta kolore bizia ikusita, ez da ohiko lorategiko landarea izatea, baizik eta basatia, naturak bere kabuz sortzen duen arte lan horietako bat.

Eryngium ?

Kardu urdin izenez ezagutzen da. Bere ezaugarri bereizgarrien artean daude: Ingurune harritsu eta lehorrak maite ditu. Eryngium bourgatii izeneko espeziea izan daiteke, bere hostoetan zain zuri nabarmenak izaten baititu.

Agiña (Taxus baccata) 

izateko aukera handia du, eta horrek bereziki interesgarri egiten du paisaia. Eremu karstikoetan eta baso mistoetan ageri da, lur azido zein basikoetan moldatzeko gaitasunarekin.

Zuhaitz sakratutzat hartu izan da Euskal Herrian, Gipuzkoako armarrian ageri diren ur gaineko hiru zuhaitzak aginak dira. Horrek erakusten du gure kulturan duen pisua.

Campanula scheuchzeri

Harritzar eta belardi alpinoetan hazten da, kanpanila hauek ez dira soilik ederrak; ingurune gogorretan bizitzeko gaitasun handia dute. Harri artean hazten dira, eguzkiaren eta haizearen eraginpean, eta hala ere, kolore biziz distira egiten dute.

Bolbitius titubans

Belardi hezeetan edo materia organiko deskonposatuan hazten da. Ez da espezie arriskutsua, baina ezta jangarria ere. 

Rubus ulmifolius

Sasi-martxuka izenez ezagutzen da. Zurtoinak sarritan arantzak ditu, eta landarea sasi moduan hedatzen da. Baso ertzetan, bide bazterretan eta larreetan hazten da. 

Ibilbideari buruzko xehetasun gehiago hemen sartuta

Basurdea (Sus scrofa)

Bedartzandi gailur inguruan basurde bat atera zitzaigun, bainan ez da harritzekoa, izan ere, basurdea— Euskal Herriko mendietan nahiko ohikoa da, nahiz eta begien aurrean ikustea ez da izaten ohikoa. Ibilbide hontako artadi basoak aproposak dira; eguna gordeta pasatzeko eta gauez janari bila ibiltzeko. Orojaleak dira — sustraiak, fruituak, intsektuak eta haragi ustela jaten dute. Normalean ez dute erasotzen, baina kumeak badituzte edo inguratuta sentitzen badira, kontuz ibili behar da.

Bedartzandi gailurretik gertu

Bedartzandi gailurretik grabatutako irudiak

Lasiommata megera

Landare ostalaria da: graminoideak (belar arruntak), beldarrak horietan elikatzen dira. Polinizazioan parte hartzen du, nahiz eta ez izan erleak bezain espezializatua. Tximeleta hau Euskal Herriko paisaietan oso ohikoa da, eta behatzeko erraza, eguzkitan pausatzen denean. Argazkilarioi ere oso erakargarria egiten zaigu, batez ere bere marrazki konplexuengatik.

Inguruko mendietan konifero eta eukalito landaketak dira nagusi

Lasiommata megera hegoak itxita

Hegoetako begi-orbanak: beltzak eta horixkak, oso bereizgarriak ditu.Horma edo harri gainean pausatzea, bere ohiko jokabidea da. Hegoen marrazki uhindunak, Satyrinae azpifamiliaren ezaugarri klasikoa da. Habitatak: harritsuak, hormak, belardiak dira. Sasoi aktiboa: udaberritik udazkenera. Ohiturak: eguzkitan pausatzen da eta oso territoriala da. Kamuflajea: marrazkiak harriaren testurarekin bat egiten dute, harrapakarien aurka babesteko.

Urregarai gailurretik grabatutako irudiak

Lasiommata megera hegoak itxita desgazte haundiarekin

Ibilbidean aurrera

Pitxartxar buru beltza (Saxicola torquata) oso harrunta da gure mendietan, otadi eta leku irekiak oso gustoko ditu

Sai arrea (Gyps fulvus) 

Kostatik hain gertu hainbeste Sai arre ikusteak harritu egin ginduen

 Arum italicum 

Fruituak: uda aldean agertzen dira, luku gorri distiratsuak multzotan, oso deigarriak baina toxikoak. Habitatak: leku heze eta itzaltsuak, baso-ertzak, lorategi naturalizatuak Kontuz! Landare osoa toxikoa da, batez ere fruituak. Ez da gomendagarria ukitzea edo kontsumitzea.

Pyrrhocoris apterus

Euskaraz suhiltzaile-zomorroa edo suhiltzaile-zorriak bezala ezagutzen dira. Taldeka pilatzen dira eguzkitan berotzeko edo elikagai bila. Ez dute ziztatzen eta ez dira arriskutsuak gizakientzat. Normalean limoiondo, malba edo lipararen haziak jaten dituzte, eta kareharrizko ingurune lehorrak gustuko dituzte — beraz, gure mendi ibilbidean ikustea ez da harritzekoa!

Irudian agertzen den intsektua erle bat da, eta litekeena da Apis mellifera, hau da, erle europarra izatea — mundu osoan ezaguna eta erlezaintzan gehien erabiltzen den espeziea.

Gorputz iletsua du, polena biltzeko egokitua. Hegalen egitura garden eta mehea eta kolore horixka eta beltza du. Funtzio ekologikoari begira: polinizazioan funtsezkoa da, landare askoren ugalketa ahalbidetzen duelako. Honek erakusten du erleen eta loreen arteko harreman sinbiotikoa, eta zergatik diren hain garrantzitsuak ekosistemetan. 

Melanargia galathea

Habitatak: Belardiak, larreak, baso-ertzak eta landaredi oparoko eremuak ditu gogoko. Ekaina eta abuztua bitartean du sasoi aktiboa. Batez ere graminoideak ditu gogoko. Polinizazioan parte hartzen du, nahiz eta ez den erle edo Pieris bezain espezializatua. Ez da espezie mehatxatua, baina paisaia naturalen galera kaltegarria izan daiteke.Tximeleta hau oso ohikoa da Euskal Herriko mendialde eta kostaldeko belardietan, eta bere marrazki kontrastatuengatik erraz identifikatzen da. Argazkiak ateratzeko ere oso erakargarria egiten zaigu beti!

Sorbeltz arrunta (Apus apus) 

Sorbeltz ugari ikusi genituen ibilbide osoan zehar, euskarazko izendegian izen ugari dituzten arren, gehienetan sorbeltz arrunta (Apus apus) bezala izendatzen da. Hona hemen hegazti harrigarri hauen ezaugarri nagusiak: Lumajea: beltz-beltza goitik eta behetik, eztarri argixeagoa duelarik. Hegoak: luzeak eta igitai formakoak ; hegaldia azkarra eta arina egiteko egokitua. Ia bizitza osoa airean ematen dute —jan, lo eta kopulatu ere hegan egiten dute. Oso migratzaileak dira: udaberrian iristen dira Afrikatik Euskal Herrira, eta abuztuan itzultzen dira hegoaldera. Hegazti nekaezinak dira, eta askotan enarekin nahasten dira, nahiz eta talde taxonomiko desberdinetakoak izan.