Atuzkarratz mendizerran barnean dagoen gailur basati zein garrantzitsuenetakoa da Migoleta. Altuerarik garaiena duen gailurra Migoleta izan arren bere aurrekaldean, distantzia txiki batera, Brakola izeneko beste gailurtxo bat dago non ikusmira askoz hobeak dauden hemendik. Gure ibilbidea Igar herrixkatik oso gertu dagoen Larraitze izeneko mendiarte batetik hasi genuen eta buelta ere leku beretik egin genuen. Argiloaingo ermitatik oso gertu kotxea utzi ondoren errekasto bat pasako degu eta ondoren galbiderik ez duen pista zabal batetik gora egin genuen. Eskubian Mantxola izeneko haitza utziko degu eta altura irabazi ahala belardi batzuk basoari gailentzen zaizkio. Gailurrera iritsi baino lehen, Brakola(1368M) gailurrera iritxiko gera eta ondoren gailurrean aurrera egingo degu Migoletara irizteko. Gailurrera iriitxitakoan, euskarri geodesiko batez gain, orain artean inoiz ikusi dudan postontzi bitxienetariko batekin egin genuen topo. Egur "polikromatu"z eginiko mendizale itxurako tailu handi bat da. Mendiko postontzi original hau Sartze herrixkako Raul izeneko gazte batek motozerrakin eginikoa da. Sartze herrixkan zehar hainbat taila omen ditu eta ez omen du baztertzen inguruko beste mendi batzuen gailurretan ere postontzi-tailuren bat jartzea.
Abere aziendei dagokionez oso gutxi ikusi genituen, Betizu gutxi batzuekin bakarrik egin genuen topo. Terreña arrazako behiak direla uste degu. Garai batean baserri lanetarako ibiltzen ziren baino gaur egun horren faltan haragitarako bakarrik erabiltzen dituzte gutxi batzuk.
Ibilbidean zehar besteak beste pinu gorriak (Pinus silvestris), haritzak (Quercus ak..), ezpelak (Buxus sempervirens), ollagak (Genista scorpius), pagoa (Fagus sylvatica) edo harkaitz-eremuetan arteak (Quercus ilex) dira nagusi bertan.
.jpg)
No hay comentarios:
Publicar un comentario